Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell do të jetë në takimin me Ministrin e Jashtëm turk Mevlut Cavusoglu në Bruksel. Borrell pati sot një video-konferencë me Kryetaren e Komisionit të BE Ursula von der Leyen dhe Presidentin Rexhep Tajip Erdogan.
Josef Borrell theksoi se BE është e gatshme të vazhdojë të punojë “për dialogun me Turqinë”. Në veçanti, Përfaqësuesi i Lartë i BE tha: “Unë pata një bisedë të dobishme me Ursula von der Leyen sot dhe me Tajip Erdogan. Ne jemi të gatshëm të vazhdojmë të punojmë për një dialog me Turqinë. Unë do të mirëpres Mevlüt Çavuşoglu në Bruksel pas vendimit të marr nga udhëheqësit në Këshillin Evropian në dhjetor “.
Më parë, Ursula von der Leyen foli për një “shkëmbim të mirë të pikëpamjeve me presidentin turk”.
“Ne shkëmbyem pikëpamje mbi situatën me Covid 19, rimëkëmbjen ekonomike dhe zbatimin e vendimeve të Këshillit Evropian të Dhjetorit 2020”, vuri në dukje Presidentja e Komisionit Evropian.
Ministri i Jashtëm turk Mevlüt Çavuşoglu pritet të takohet me Josep Borrell në 21 janar në Bruksel./Opinion.al
