Përfaqësuesi i Lartë i Bashkimit Evropian për Punët e Jashtme dhe Politikën e Sigurisë, Josep Borrell, në një intervistë me stacionin radiofonik Onda Cero është shprehur se viti i kaluar nuk ishte i keq për ekonominë ruse pavarësisht sanksioneve të vendosura nga Perëndimi.
“Viti i kaluar nuk ishte i keq për ekonominë ruse”, tha zyrtari i BE-së. “Kjo është për shkak se çmimet e energjisë shkuan në qiell,” –tha Borrell .
Borrell tha se çmimet janë kthyer së fundmi në atë që ishin përpara operacionit special ushtarak të Rusisë në Ukrainë.
“Tashmë as ne nuk jemi të varur energjetikisht nga Rusia. Më parë 40% e gazit europian vinte nga Rusia, tani është 6% dhe ata nuk do të gjejnë klientë për këtë gaz. Unë besoj se ne kemi vendosur tashmë sanksione kundër pothuajse çdo gjëje që mund të sanksionohet,” shtoi ai./Opinion.al
