Boris Johnson, kandidati për kryeministër i Britanisë së Madhe, është shprehur se Britania e madhe do të mund të largohet nga Bashkimi Europian dhe pa një marrëveshje.
Johnson tha për “BBC” se pakti i kryeministres në largim, Theresa Mady, ka marrë fund.
“Unë premtoj se do të dalim nga BE-ja natën e halloween më 31 tetor. Miqtë dhe partnerët tanë duhet ta kuptojnë se e kemi seriozisht, dhe se jemi gati të çlirohemi nga retë e disfatizmit dhe negativitetit që na kanë mbështjellë prej kohësh,”-tha Johnson.
Kandidati për kryeministër shtoi se Britania nuk do të vuaj në aspektin ekonomik, pasi raportet tregtare me BE-në do të rregullohen nga Organizata Botërore e Tregtisë.
Ai tha gjithashtu se sapo të zgjidhet kryeministër, do të nisë përpjekjet për marrëveshje të re me Brukselin./ Opinion.al E.Xh.
