Pas reshjeve rekord të dëborës në Suedi, ka shkaktuar polemika kërkesa e kryebashkiakes së Stokolmit Ajo apeloi që fillimisht të pastroheshin nga bora rrugët, ku kryesisht kalojnë gratë
Të pastrohen fillimisht pistat e bicikletave dhe pedonalet për gratë. Urdhëri i kryebashkiakes së Stokolmit Karin Uangard, ka shkaktuar polemika në vendin e pushtuar nga një sasi rekord dëbore, që nuk shihej që prej 111 vitesh, dhe që ka bllokuar komunën suedeze në veri të Europës. Por ky vendim nuk ka ndihmuar shumë për të mos thënë që krijoi kaos dhe vonesa. Zgjedhje e konsideruar si feministe por e mbrojtur nga nënpunësit e bashkisë, shkaktoi shumë polemika.
Sipas mediave vendase, trashësia prej 39 centimetra e dëborës shkaktoi anullim të fluturime, vonesa në hapjen e zyrave, rritje të numrit të pacientëve, tramvaj dhe autobusë të bllokuar, automjete të braktisura në rrugë, shkolla të mbyllura dhe shoferë që kanë pritur në automjetet e tyre deri në 10 orë.
Bashkia e Stokolmit vijon punën për të gjetur një zgjidhje të problemeve që shkakton dimri i acartë pa harruar barazinë gjinore. Po këtë herë duke u përpjekur të menaxhojë më mirë këto fenomene të vështira.
