Reshjet e para të dëborës kanë nisur në veri të vendit në orët e mbrëmjes të së martës. Reshje me intensitet të lartë u regjistruan në Kukës, ku si pasojë e dëborës në Rrugën e Kombit pranë tunelit të Thirrës janë rrezikuar automjetet.
Bashkia e Kukësit ka mbledhur shtabin e emergjencave dhe ka marrë masat për mirëmbajtjen e rrugëve dhe mbajtjen e situatës nën kontroll. Bashkia e Kukësit u ka bërë apel operatorëve të kontraktuar për rritjen e nivelit të gatishmërisë për ndërhyrje me mjete e makineri në të gjitha akset rrugore.
Gjithashtu reshje dëbore janë regjistruar edhe në Pukë.
Rrugët me ngrica dhe borë ku mund të kalohet me zinxhirë janë:
Tunel i Kalimashit – Morinë (Rruga e Kombit)
Fushe Arrëz – Iballe
Fushe Arrez – Qafe Mali – Qafe Shllak
Qafe Mali – Fierze
Bajram Curri – Valbone
Kukes – Qafe Shllak
Rrugët e bllokuara, ku për momentin nuk lëvizet janë:
Qafe Mali – Dardhe, në zonen e Pukës
Qafe Thore – Theth, në zonën e Malesise se Madhe
Tamare – Vermosh
Bushtrice, Kukës – Kala e Dodes, Diber.
Trashesia e dëbores ne to shkon nga 20 cm deri në 50 cm.
