Një trajler nga Podgorica ka rrëshqitur nga bora duke dale nga rruga në Aliaj të Kastratit. Fatmirësisht nuk ka dëme në njerëz. Aksidenti u shënua paraditen e sotme.
I gjithë qarku i Shkodrës është përfshirë nga reshje të dendura bore të cilat vijojnë pa ndërprerje prej dy ditësh. Sakaq drejtuesit e mjeteve ankohen se rrugët janë të mbuluara nga bora.
Ky është aksidenti i dytë në këtë qark për shkak të motit të keq. Në aksin Shkodër-Shirokë një autobus i linjës Shkodër-Shirokë-Zogaj është rrezuar në anë të rrugës, në afërsi të pikës turistike Zogaj. Ky aks mbetet i paralizuar prej 24 orësh.
Edhe pse nga buxheti i shtetit jepen miliona euro për mirëmbajtjen e rrugëve në mbarë vendin, firmat kontraktore nuk kane nxjerre borepastrueset për të pastruar rrugët. Për pasojë aksidentet këto dite janë të shumta në rruget e vendit.
