Të gjitha njësitë administrative të Qarkut Dibër, janë të izoluara, por më problem mbeten Lura, Kala e Dodës, Selishta, Ostreni, Trebishti, Arras, Martaneshi, Xibri e Macukulli në Mat. Shtabet e emergjencave civile janë mbledhur në katër Bashkitë e Qarkut Dibër, të cilët kanë kërkuar ndërhyje emergjente.
Mësohet se tashmë Bashkitë e qarkut kanë nisur punën për hapjen e rrugëve kryesore të njësive administrative, por mjetet e kanë të pamundur të zhbllokojnë situatën pasi reshjet vazhdojnë me intensitet të lartë.
Gjithashtu është raportuar se në shumë fshatra ka patur mungesë të energjisë elektrike si pasojë e këputjes së telave. Problem mbeten edhe 115 familjet e fshatit Tërnovë në Bulqizë ku prej 10 ditësh janë të izoluar pasi dëbora shkon në 1 metër e 50 centimetra.
