Reshje të denduara bore përfshinë gjatë natës rajonin e juglindjes dhe të verilindjes së vendit tonë. Në disa rrugë nacionale që lidhin Korçën me qytete të tjera ka vështirësi qarkullimi. Rrugët Korçë-Kapshticë, Korçë- Ersekë, Korçë- Pogradec e Qafë Thanë janë të kalueshme vetem me zinxhirë. Probleme më të mëdha ka në Qafë-Plloçë ku disa makina që nuk ishin të pajisura me zinxhirë janë bllokuar. Dhe në lartësitë e Korçës, në Dardhë e Voskopojë ka probleme dhe pse rrugët janë të hapura.
Kurse në rajonin e Peshkopisë bora ka ngrirë dhe paraqiten probleme në disa segmente. Rruga nacionale Peshkopi -Tiranë është e hapur, por mjetet duhet të jenë të pajisur me zinxhirë. Kurse në veri të vendit probleme ka vetëm në rrugën e Thethit. Në disa vende bora ka arritur trashësinë mbi 30 centimetra.
