Nevojtarëve u heq thesin e miellit, ndërsa emigrantëve ua vendos emrin në listë si përfitues
Selami Veliu, 54 vjeç nga fshati Popinar i Peshkopisë që nga janari 2018 nuk siguron dot një thes miell për familjen. Ndihma ekonomike që merrte prej vitesh iu ndërpre, pasi u vendos sistemi ri i pikëzimit për aplikuesit.
Në kufijtë e mbijetesës Selamiu çdo ditë bën 6 orë rrugë në këmbë, pasi kalon 2 male futet në territorin Maqedonas për të mbledhur bimë medicinale. Nuk janë të pakta rastet që kthehet duarbosh në shtëpi, sepse policët e vendit fqinj pasi e mbajnë 5 orë izolim e kthejnë në Shqipri.
Por ka edhe ditë me ‘fat’ kur arrin të mbledhë ndonjë lule, të cilën pasi e shet mund të fitojë deri 2 mijë lekë të vjetra.
Selamiu thotë se po ushqehet me elb të zier, që normalisht përdoret si ushqim për kuajt.
Por çuditërisht sistemi ka nxjerrë nga skema nevojtarët dhe ka bërë përfitues 4 familje që prej vitesh jetojnë jashtë Shqiprisë.
Punonjësi i zyrës së ndihmës ekonomike në Njësinë Administrative Maqellarë pranon para gazetares së ‘Boom’ se 4 familje janë përfituese, edhe pse nuk jetojnë në Shqiperi.
Gazetarja- Ai shkon punon 3 muaj atje, vjen firmos këtu ikën prap atje.Zotëri i do me emra? Rahim Turshilla, merr asistencë?
Zyra e Ndihmës Ekonomike-Po merr.Ne mars e ka kapur ky ,të 2018-tës.
Gazetarja- Ndërkohë që ka 3 vite që jeton në Itali.
Zyra e Ndihmës Ekonomike-Ai mund të ketë edhe 10 mi motër, unë nuk e di. Ato shkojnë dhe vijnë.
Gazetarja- Roland Turshilla?
Zyra e Ndihmës Ekonomike- Po edhe ai në mars e ka kapur.
Gazetarja- Ai e përfiton edhe pse nuk jeton këtu po jeton në Itali.
Gazetarja- Fatos Turshilla?
Zyra e Ndihmës Ekonomike- Po edhe ai jeton në Itali.
Këto janë ‘kapricot’ e sistemit. Nevojtarëve i heq thesin e miellit, ndërsa emigrantëve iu vendos emrin në listë si përfitues.
