Kryetarja e Partisë Socialiste në Leskovik, Dallëndyshe Kravari, është emëruar drejtoreshë e shkollës së mesme “Jani Vreto” të këtij qyteti.
Emërimi i saj është realizuar në shkelje të udhëzimit nr.57 për proceduar e emërimit dhe shkarkimit të drejtorit të institucionit publik të arsimit parauniversitar.
Ky udhëzim përcakton se kandidati për drejtor në institucionin publik të arsimit parauniversitar duhet:
a ) të ketë fituar diplomë të ciklit të dytë në fushën e edukimit ose diploma të njëvlefshme me të, sipas përcaktimeve të ligjit nr.9741, datë 21.5.2007″ për arsimin e lartë në Republikën e Shqipërisë”, të ndryshuar.
Udhëzim nr.57 në pikën 9 parashikon gjithashtu se drejtori i institucionit publik të arsimit parauniversitar nuk duhet të bëjë pjesë, pas emërimit, në forumet drejtuese të partive politike.
Titulli i diplomës së kryetares së PS Leskovik Dallëndyshe Kravari, njëkohësisht fituese e konkursit për drejtor në shkollën Jani Vreto të këtij qyteti, është punonjës i shkencave politike dhe jo mësues.
