Pensionistët pritet të marrin këtë vit bonusin e pranverës.
Lajmin e bëri të ditur Kryeministri Edi Rama, përmes një postimi në rrjete sociale, ku njofton se shpërndarja e këtij bonusi nis më datën 1 Mars.
Krahas këtij vendimi, ai thekson se nuk ka gënjyer por flet me përgjegjësi të plotë për atë që ka të bëjë me detyrën që i ka dhënë populli.
“Jo vetëm që unë nuk gënjej po flas me përgjegjësi të plotë për çka ka të bëjë me detyrën që më ka dhënë populli, e meqë vizion kanë akuzën, program kanë shpfijen dhe forcë udhëheqëse kanë gënjeshtrën, kudo, kurdoherë e për çdo gjë, e përhapën edhe lajmin që s’ka bonus për pensionistët! Por ja që vendimi për bonusin është marrë që në 9 janar dhe shpërndarja nis në 1 mars. Ta gëzojnë pensionistët dhe Zoti paftë e bëftë për ata që luajnë edhe me nervat e tyre”, shkruan Rama.
