Kryeministri, Edi Rama, mëngjesin e sotëm ka publikuar shifrat e familjeve që kanë përfituar bonusin e bebes.
Në një postim në rrjetet sociale, kreu i qeverisë bën me dije se 20 mijë fëmijë që kanë lindur në gjysmën e parë të këtij viti kanë përfituar bonusin e bebes.
Po ashtu Rama thotë se bonusi është përfituar 40 mijë lekë për fëmijën e parë, 80 mijë lekë për fëmijën e dytë dhe 120 mijë lekë për fëmijën e tretë.
“Mirëmëngjes, dhe me lajmin e bukur se 20,000 fëmijë të lindur në gjysmën e parë të vitit, kanë përfituar bonusin e bebes, me 40,000 lekë për fëmijën e parë, 80,000 për fëmijën e dytë dhe 120,000 lekë për fëmijën e tretë, pa dallim nëse kanë lindur në Shqipëri apo jashtë vendit, por të regjistruar në vendin amë, ju uroj një ditë të mbarë”, shkruan Rama./Opinion.al
