Ditën e sotme policia e Korçës mori një telefonat ku u njoftua se në lagjen nr.3, pranë Gjykatës së Shkallës, në mjetin tip “Benz”, në pronësi të gjyqtarit Markelian Kuqo, ishte vendosur një sasi lënde e dyshuar plasëse.
Pas kësaj telefonate polica ka nisur verifikimet, por pas kontrolleve të ushtruara ndaj automjetit nuk janë konstatuar lëndë eksplozive. Ndërkohë, policia dyshon se telefonata ka ardhur nga një i burgosur i cili vuan dënimin në Burgun e Drenovës, ndërsa bëhet me dije se i dënuari ka probleme mendore.
Lidhur me ngjarjen ka folur dhe vet gjyqtari Kuqo, i cili ka deklaruar para gazetarëve se telefonata ka ardhur nga grushti kriminal, por nuk dha emra konkret. Gjyqatari ka shtuar se nuk ka nevojë për mbrojtjen e shtetit dhe më pas është larguar nga ambientet e Gjykatës me makinën e tij.
“Jam i qetë. Nuk kam dijeni çfarë ka ndodhur. Telefonata ka ardhur nga grushti kriminal i atdheut tim. Nuk kam nevojë për mbrojtje nga shteti”, është shprehur gjyqtari Kuqo.
Gjyqtari Markelian Kuqo nuk ka pranuar të flasë lidhur me këtë ngjarje për mediat. Ky gjyqtar ka liruar nga burgimi i përjetshëm Gert Gjinararin, i cili ka vrarë Naim Zyberin në Itali. Pas 25 viteve burgim, ai u lirua në shkurt të këtij viti./ Opinion.al E.Xh.
