Avioni i kompanisë “Air France” është ulur me urgjencë në aeroportin e Mobasit në Kenia, pasi ekuipazhi informoi kapitenin për një mjet të dyshimtë që gjendej në tualetin e avionit.
Avioni që fluturonte nga Mauritius për në Paris me 459 pasagjerë në bord dhe 14 anëtarë të ekuipazhit kërkoi leje për ulje emergjente pasi mjeti që u zbulua në tualet përmbante eksploziv.
Zyrtarë të policisë thanë se u evakuan menjëherë pasagjerët dhe kanë konfirmuar se mjeti i gjetur ishte një bombë.
Mendohet se pakoja është vendosur në tualet nga dy pasagjerë, të cilët janë shoqëruar në polici.
