Mbështetës të opozitës kanë lyer me bojë të zezë godinën e Ministrisë së Brendshme, si shenjë proteste për personat e ndaluar.
Për disa minuta protestuesit të drejtuar nga Lulzim basha qëndruan para Ministrisë së Brendshme, ndërsa nuk munguan thirrjet: “Lironi djemtë tanë”.
Ky veprim ka sjellë dhe reagimin e ministrit Sandër Lleshaj.
“Modeli i sjelljes politike të Lulzim Bashës ndaj Ministrisë së Brendshme të Shqipërisë, të cilën dikur e ka turpëruar si kreu saj dhe sot mundohet të njollosë me mjetet e tij”, shkruan Lleshaj në një postime në rrjetet sociale. /Opinion.al
