Edi Paloka ka folur sërish për incidentin me kryeministrin Edi Rama në Parlament. Në një intervistë për “News 24”, Paloka ka thënë se ka qenë gjithë jetën thuthuq dhe se ai gjest nuk ishte hakmarrje e tij personale.
Gjithashtu, nënkryetari i grupit parlamentar demokrat ka rrëfyer se e kishte paralajmëruar Lulzim Bashën se do të bënte një reagim demonstrativ, por atë ditë ai nuk ka ditur gjë.
“Këto veprime të deputetëve janë nxituar nga sjellja arrogante prej rrugaçi e atij që është kryeministër i këtij vendi. Kjo ngjarje nuk ishte hakmarrje e Palokës. Unë kam gjithë jetën thuthuq. U them gjithë nënave që kanë fëmijë të tillë se është mjet suksesi. Unë atë ditë kam pritur që atë ditë ta bëjë prapë dhe nëse nuk do fyente edhe mund të mos ndodhte ajo situatë. Ajo që doja unë ishte që t’i nxija surratin. Askush nuk e dinte që unë kisha bojë me vete. Diçka i lashë të kuptohej Bashës së unë do reagoja. Ia kam thënë Bashës më përpara dhe jo atë ditë. Për atë ditë Lulzim Basha nuk kuptoi gjë. Rama e filloi me fyerje ndaj kreut të opozitës, mori atë që meritoi”, ka thënë Edi Paloka./Opinion.al
