Kryeministri Edi Rama ka reaguar të enjten pas protestës 3 orëshe të opozitës së bashkuar, gjatë së cilës protestuesit sulmuan me bojë të zezë muret dhe dritaret e Ministrisë së Brendshme.
“Gati për eksport nëpër botë produkti më i ri për nxirjen e Shqipërisë”, shkuan kreu i qeverisë në një postim në “Instastory” bashkangjitur videos ku një protestues shfaqet duke sulmuar me bojë ndërtesën qeveritare.
Edhe më parë kryeministri Edi Rama ka akuzuar opozitën se po përpiqet të nxijë imazhin e Shqipërisë në botë. I menjëhershëm ka qenë dhe reagimi nga PD. Sekretari i Përgjithshëm i PD, Gazment Bardhi shkruan se është pikërisht Rama ai që i ka nxirrë Shqipërinë.
“Shqipërinë e ka nxirë Edi Rama duke e kthyer në këto 6 vite në “bazë operacionale të krimit të organizuar rajonal”, “pikë kyçe të shpërndarjes së heroinës në gjithë Europën” dhe “vend kryesor të pastrimit të parave në botë”. Njollat e zeza sot mbi Ministrinë e Brendshme nga qytetarët ishin: 1 për Saimir Tahirin – kampionin e narkoshtetit në Ministrinë e Brendshme; 1 për Fatmir Xhafajn – kampionin e përdorimit të Policisë së Shtetit për të mbrojtur vëllain trafikant droge; 1 për Llesh Kimikun – kampionin e servilizimit, paaftësisë dhe korrupsionit!”
