TIRANË- Komisioni i Ekonomisë është përfshirë nga debatet sot lidhur me investimet në infrastrukturë.
“Niveli i investimeve publike është në minimumin historik në raport me PBB-në, i barabartë me atë të vitit 1997, vetëm 4%”, tha ish-ministri i Financave, Bode.
Ai bëëri një akuzë konkrete kur tha se sot harxhohen 700 milionë dollarë investime publike në vit por asnjë kantier ndërtimi nuk është funksional.
I pranishëm në mbledhjen e Komisionit të Ekonomisë, ministry Arben Ahmetaj u përgjigj se “83 për qind e investimeve shkojnë në projekte në vazhdim. 17% janë projekte të reja”.
“Struktura e investimeve publike është rritur drejt blerjeve, makineri-pajisje, helikopterë dhe avionë, që nuk lënë gjë në ekonominë e vendit”, replikoi sërish Bode.
“Duhet t’u themi shqiptarëve që po zbatojmë një kontratë të lidhur në vitin 2007-2008, apo pak më vonë, të prokuruar nga ju dhe që duhet zbatuar, përndryshe merr penalitete”, tha kreu i Komisionit parlamentar të Ekonomisë, Erion Braçe.
