Ish-deputeti i PD-së, Luçiano Boçi ka denoncuar se 100 studentë shqiptarë në Bullgari janë lëbraktisur nga Qeveria shqiptare.
Boçi deklaron se “kërkesës së tyre, ambasada i është përgjigjur në mënyrë evazive, duke mos i ofruar asnjë mbështetje dhe asnjë garanci për kalim në doganat shqiptare.”
Reagimi
Qeveria shqiptare ka braktisur dhe ka lënë në mëshirë të fatit mbi 100 studentë të cilët gjenden me studime në Bullgari.
Ndërsa Mali i Zi dërgon avion të posaçëm për studentët e vet, Shqipëria i le në mes të katër rrugëve.
Kërkesës së tyre, ambasada i është përgjigjur në mënyrë evazive, duke mos i ofruar asnjë mbështetje dhe asnjë garanci për kalim në doganat shqiptare.
Ndërkohë, kampusi është mbyllur dhe pjesa tjetër e mësimit do të vazhdojë online. Studentët duhet të largohen në vendet përkatëse.
Pas email-t të datës 14, në takimin me ambasadën, atyre i është ofruar si zgjidhje vetëm rruga nëpërmjet Turqisë, me avion që kushton shumë, përtej mundësisë financiare të familjeve të tyre.
Kërkesës së studentëve që shteti t’i evakuojë me autobusë, ambasada i është përgjigjur në formë refuzuese.
Studentët bëjnë apel për krijimin e mundësisë së kthimit të tyre dhe shprehin gatishmërinë e karantinimit 14 ditor, sapo të mbërrijnë.
Kjo është fytyra e vërtetë e një qeverisje të papërgjegjshme që ka braktisur çdo detyrim dhe përkujdes ndaj shtetasve të vet.
Studentët duhet të kthehen në Shqipëri!/ Opinion.al
