Aktualitet

Boçi: Me Lucën do shihemi në gjyq, erdhi të më rrahë dhe iku i rrahur


Bëhu pjesë e Grupit Zyrtar të Opinion.al
>> KËTU <<
               Publikuar në : 15:11 - 19/03/21 |
Opi Nion

Kandidati për deputet i Partisë Demokratike, Luçiano Boçi, ka reaguar sërish ditën e sotme lidhur me konfliktin fizik që pati të mërkurën me biznesmenin Gjergj Luca, në një lokal në Labinot të Elbasanit.

Në një dalje për mediat, Boçi ritheksoi se ka qenë Luca ai që ka filluar konfliktin. Gjithashtu, ai hodhi poshtë akuzat e Lucës se pas përplasjes fizike i kishte vjedhur telefonin. Kandidati i PD për deputet tha se telefoni që bie përtokë gjatë sherrit dhe më pas i dorëzohet në dorë nga personi me të cilin shoqërohej, ishte telefoni i tij dhe jo i Lucës.

“Ngjarja dihet, nuk kam ndryshuar version, pas sulmit fizik të filluar nga Luca, unë i kam hipur makinës kam shkuar drejt në prokurori për të depozituar kallëzim penal kundër tij dhe sekuestrimin e kamerave. Me gjasë pasi unë jam larguar, Luca ka kërkuar, ka parë dhe ka marrë videon. Në video shihet një telefon i imi gjatë përleshjes së detyruar fizike, i cili ka rënë në tokë dhe unë e kam rimarrë atë, duke ma dhënë njeriu që ishte më afër. Njeriu me të cilin po bisedoja kur u sulmova fizikisht nga Luca, u ul e mori dhe ma dha. Gjergj Luca prej kësaj ka prodhuar alibi qesharake të vjedhjes së telefonit për të mbuluar krimin e tij”.

Sa i përket pamjeve filmike të publikuara në media, Boçi tha se mungon momenti i parë, kryesor ai i agresionit verbal dhe fizik i Lucës kundrejt Boçit.

“Video së transmetuar i mungon momenti i parë, kryesor, agresioni verbal dhe fiizik, i Gjergj Lucës kundër Luçiano Boçit. Ky moment është fshehur me qëllim për të manipuluar të vërtetën dhe të vërtetat e ngjarjes. Fakti që video e manipuluar po shpërndahet nga PS dëshmon qartë që Gjergj Luca nuk flet, as nuk vepron nga pozitat e biznesmenit. Ai është thjeshtë një zgjatim kriminal i mazhorancës dhe për fat të keq, një borxhi i keq i saj”.

Është detyrë e prokurorisë të administrojë provat e kësaj vepre penale të denoncuar prej meje si kallëzim penal. Nuk e di nëse prokuroria e ka administruar këtë video si provë. Ne marrjen e videos nga vendngjarja, Gjergj Luca i ka shtuar vetes dhe një vepër tjetër kriminale. Cënimi me synim prishjen e provave të një vepre penale të realizuar prej tij. Keqpërdorimi i hapur publik i provave të një vepre penale është dëshmi e arrogancës dhe e sigurisë me të cilën sillen kriminelët në këtë vend”.

Ndërkohë, Boçi deklaroi se këtë çështje do ta ndjekë në mënyrë institucionale dhe do të depozitojë sot pranë Inspektoratit të Lartë të Drejtësisë një ankesë në mënyrë që Inspektorati të verifikojë nëse Prokuroria e Elbasanit e ka administruar si provë videon e plotë të ngjarjes.

“Për sa i takon kësaj çështje në mënyrë më institucionale të mundshme ne do të depozitojmë sot një ankesë në ILD. Ftoj Inspektorin e Lartë të Drejtësisë Artur Metani, të verifikojë nëse Prokuroria e Elbasanit e ka administruar si provë videon e plotë të ngjarjes dhe të hetojë për mënyrën e përdorimit publik për qëllime jashtë gjyqësore të këtyre provave. I bëj thirrje garantëve ndërkombëtarë të reformës në drejtësi, Ambasadës Amerikane dhe prezencës së Komisionit Europian në Tiranë, që të mos lejojnë manipulimin politik të institucioneve të reja të drejtësisë siç ka ndodhur tashmë me policinë e shtetit dhe çdo segment tjetër të administratës. I ftoj miqtë tanë ndërkombëtarë ta mbikëqyrin këtë proces gjyqësor nga afër dhe të vlerësojnë performancën e institucioneve të reja të drejtësisë”.

 Sa i përket Lucës, Boçi tha se me të do të shihet në gjyq. “Me zotin Luca do shihemi në gjyq. Më vjen keq nëse instiktet e mia të vetëmbrojtjes dhe reagimi im prej cënimit fizik prej tij e befasuan atë. Ai erdhi të më rrahë dhe iku i rrahur. Integriteti fizik dhe moral i demokratëve është i pacënueshëm”,- tha Boçi.

Pas