Kandidati i Partisë Demokratike për Elbasanin Luçiano Boçi është përplasur sot fizikisht me biznesmenin Gjergj Luca.
Lidhur më ngjarjen, Boçi ka folur për “Abc News”, ku tha se konflikti nisi fillimisht verbalisht e më pas edhe në dhunë fizike.
Më tej, Boçi rrëfeu se biznesmeni Luca tentoi ta godiste, por ai u shmang e më pas u detyrua që të vetmbrohej. Po ashtu, kandidati i PD për deputet në Elbasan tha se Gjergj Luca e kërcënoi edhe me jetë duke i thënë se do i mbushte barkun me plumba.
“Isha i ftuar në një takim me banorë të zonës. Pasi mbarova takimin, dola dhe duke biseduar, shfaqet Luca nga një hyrje anësore e fillon të provokojë. Bëri sharje banale, që morën reagimin tim. Ai u afrua dhe unë qëndrova i qetë.Tentoi të më godiste, dhe jam shmangur, e u vetëmbrojta. Zgjati pak minuta. Personi që më shoqëronte nuk lejoi që përplasja të ishte më i thellë. Më ka kërcënuar për jetën. Në mënyrë më banditeske të mundshme, me atë fjalorin e rrugës që Rama e ka përzemër. Ky gangsteri i famshëm do të më mbushte barkun me plumba. Me banditë jemi gati të bëjmë përballje. Janë të dëshpëruar e të trembur.”-tha Boçi./Opinion.al
