Një ndërhyrje e ashpër pa top gjatë stërvitjes ka nxehur gjakrat në kampin e Bayern Munchen.
Gazeta gjermane Bild raportoi ditën e sotme se mesfushori Leon Goretzka bëri një ndërhyrje të ashpër ndaj shokut të skuadrës, mbrojtësit Jerome Boateng. Ky i fundit është acaruar nga kjo gjë pasi ndërhyrja ka qenë jo e nevojshme dhe mund ti rrezikonte atij një dëmtim. Në nerva e sipër ai ka goditur me shuplakë në fytyrë Goretzkën siç shihet edhe nga pamjet.
Menjëherë pas këtij episodi kanë ndërhyrë pjesëtarët e tjerë të ekipit për t’i ndarë. Ka qenë Lewandowski ai që ka hyrë i pari mes të dyve dhe më pas trajneri Flick. Veprimi i Goretzkës nuk është pritur mirë edhe nga Thomas Muller i cili teksa u afrua për të qetësuar situatën iu drejtua duke i thënë: “Gjithmonë i njëjti muhabet me ty”. Fjalët e Muller marrin shkasë nga një penallti e shkaktuar nga Goretzka në një ndeshje të mëparshme në kampionat.
Megjithatë situate është qetësuar. Ka qenë vetë mesfushori 25 vjeçar ai që ka postuar në Twitter një foto me Boateng ku të dy i kanë hedhur dorën në qafë njëri-tjetrit.
“Futbolli ka emocione, qetësohuni, ne jemi një familje”, ka shkruar ai. /Opinion.al
++++BREAKING NEWS++++ #FußballistEmotion @FCBayern #AlleMalEntspannen #miasanfamily ???? ❤️ @JB17Official pic.twitter.com/G9Z9LsqiJD
— Leon Goretzka (@leongoretzka_) January 29, 2020
