Pak para heshtjes zgjedhore, kreu i Libra-s Ben Blushi ka publikuar një status ku tregon disa prej premtimeve risi që partia e tij zoton të realizojë nëse vjen në pushtet. Që prej 1000 eurove që do japë për çdo bebe, dhe deri te zhdukja e kanabisit për 100 ditë.
Statusi i plotë i Blushit
18 ARSYE PËR TË VOTUAR LIBRA 18
- LIBRA do vendosë që asnjë shqiptar të mos jetojë me më pak se 17 mijë lekë të reja në muaj
- LIBRA do ulë taksat për shtresën e mesme
- LIBRA do shpërblejë çdo bebe me 1000 euro
- LIBRA do zgjidhë çështjen e pronave me një ligj të ri për Tokën
- LIBRA do ulë në 5% tvsh e ushqimeve bazë
- LIBRA do përgjysmojë apo zerojë tarifat universitare
- LIBRA do dyfishojë buxhetin për arsimin
- LIBRA do e kthejë në detyrim arsimin e mesëm për çdo nxënës
- LIBRA do subvencionojë sigurimet shoqërore për çdo biznes të të rinjve, start up, nën 30 vjeç
- LIBRA do ulë çmimin e naftës, gazit dhe energjisë
- LIBRA do heqë çdo taksë për investimet e emigrantëve shqiptarë
- LIBRA do nxjerrë jashtë qyteteve lojrat e fatit, duke krijuar zona të veçuara për to
- LIBRA do kërkojë që politikanët të ndëshkohen nga juri popullore
- LIBRA do aplikojë votimin elektronik për të gjithe shqiptarët, kudo ku jetojnë
- LIBRA do kërkojë një parlament me 100 deputetë dhe President nga Populli
- LIBRA do anullojë përfundimisht ligjin e importit të mbetjeve
- LIBRA do anullojë konçesionet në shëndetësi
- LIBRA do zhdukë për 100 ditë çdo rrënjë kanabisi nga Shqipëria
