Rivali i kryeministrit për postin e kryetarit të PSsë ka vijuar akuzat e rënda ndaj Ramës, duke thënë se ai ka shumë shokë që kanë vrarë, dhe këta të fundit i ka futur të gjithë në Parlament.
Deputeti i Partisë Socialiste, Ben Blushi, ka zhvilluar dje një bashkëbisedim me qytetarët e Korçës në ambientet e kinema “Millenium”. Blushi ka sqaruar përkrahësit e tij se nuk mori pjesë në takimin e organizuar nga Kryeministri Rama po dje në Korçë, duke thënë se atë nuk e ftojnë më nëpër aktivitete edhe pse është një ndër deputetët e zgjedhur disa herë në këtë qytet. Ai tha se qëllimi i tij nuk është të ndajë partinë
“Nuk kam qëllim të ndaj partinë ku jam. Nuk më ftuan te takimi i Ramës. Jam deputet i Elbasanit dhe besoj se duhej të isha atje, por mua s’më ftuan. Nuk më ftojnë më”, tha dje Blushi.
Gjatë bashkëbisedimit, socialisti theksoi se do të vazhdojë të flasë pasi nuk mund të pranojë që PSja të shndërrohet në një biznes me një pronar. “Shqipëria është pesimiste, pasi drejtohet nga delirantë dhe të paaftë. Nuk pranoj dot që PSja të kthehet në biznes, pse duhet të kemi një parti me një pronar? Do të punoj që të demokratizohet vendi përmes demokratizimit të partisë. PSja është marrë peng, ka punë vetëm për rilindasit, por rilindja e ka braktisur PSnë”, deklaroi ai.
Rivali i kryeministrit për postin e kryetarit të PSsë ka vijuar akuzat e rënda ndaj Ramës, duke thënë se ai ka shumë shokë që kanë vrarë, dhe këta të fundit i ka futur të gjithë në Parlament
