Themeluesi i Libra-s, Ben Blushi përmes një statusi në facebook ka përgënjeshtruar lajmin e publikuar dje në mediat online në emër të tij. Bëhet fjalë për lajm të rremë ku thuhej se Blushi publikon emrat e ministrave që shkuan me dashnoret në Santa Quaranta. Në fakt ky informacion ishte shpërndarë nga një profil fals në emër të Blushit. Sakaq Opinion.al, që dje sqaroi këtë ngatërresë duke postuar në një kohë krejt të shkurtër reagimin e saktë të Blushit për shkarkimin e Manjanit. Reagimi i Blushit nga profil fals në facebook. Gjithsesi sot publikojnë edhe njëherë deklaratën e tij sqaruese.
Blushi në facebook: Një sqarim për portalet e Shqipërisë
Gjatë ditës së djeshme portalet Opinion, Panorama, Syri.net, Sot.news, Newsbomb, Mapo dhe ndoshta dikush tjetër kane cituar faqe të cilat nuk janë të autorizuara nga unë. Shumicën prej tyre i kam komunikuar personalisht për tu thënë se Ben Blushi që kanë cituar nuk është Ben Blushi. Megjithatë asnjë prej tyre nuk ka bërë një përgenjeshtrim formal. Jam i detyruar ti kujtoj se kjo është e vetmja faqe zyrtare, nga disa dhjetëra anonime, në të cilën mund të marrin mendimet, komentet, fotot, videot dhe aktivitetin tim. Duke shpresuar se ky keqkuptim është mirekuptuar nga të gjithë u kërkoj portaleve ta postojnë këtë reagim të detyruar dhe të nevojshëm. Shpresoj se paskëtaj, gazetarët mekanikë të portaleve do kenë mirësinë ta rregjistrojnë si link faqen time zyrtare që është vetëm kjo dhe asnjë tjetër!
