Themeluesi i Libra-s, Ben Blushi ka reaguar për vendimin që mori dje KQZ për ti kërkuar më shumë informacion prokurorisë për mandatet e Rroshit, Selamit dhe Tahirit. Përmes një statusi në facebook, Ben Blushi se “nëse KQZ nuk heq mandatet që ka në tryezë, atëherë reforma në drejtësi ska asnjë vlerë”.
Statusi i plotë i Blushit
KQZ kërkon kohë për tu bindur se kush është Elvis Roshi dhe të tjerët megjithëse provat e prokurorisë ishin të qarta. Sipas prokurorisë tre të zgjedhur duhet të lënë mandatet për shkak te dënimeve të mëparshme ne Europë! Partitë e vjetra që formojnë KQZ duan ti mbrojnë me procedurë mizore, të padrejtë dhe amorale.Nëse KQZ nuk heq mandatet që ka në tryezë, atëherë reforma në drejtësi ska asnjë vlerë. E kanë shtrirë,e kanë grirë,e kanë fshirë,e kanë nxirë dhe e kanë shitur lirë, me hir a me pahir. Kjo do të thotë që në Shqipëri është krijuar një gjykatë unike e cila ka të drejtë të gjykojë dhe ndryshojë vendimet e Gjykatave Europiane. Oskar ëilde thoshte se,amerikanët e mirë, kur duan të vdesin, shkojnë në Paris. Ndërsa europianët e këqinj, kur duan të shpëtojnë duhet të vijnë në Tiranë. Kjo cudi quhet KQZ dhe për herë të parë u testua në Shqipëri në vitin 2016. Arkitekti i saj quhet Sali Berisha.Investitori quhet Edi Rama. Vincin e solli Lulzim Basha. Qilimat i shtroi Vangjush Dako.Xhamat i pastroi Klement Balili.Kafet i pagoi Lulzim Berisha.Biletat e parkingut i mblodhi Mark Frroku. Mijëra shqiptarë sidomos nga Kavaja, Shkodra dhe Lezha u mahnitën me shkëlqimin e saj prej ylberi!
Lexo edhe: Vendimi i KQZ: Duam më shumë informacion nga prokuroria
