Themeluesi i “Libra-s”, Ben Blushi ka komentuar konferencën për shtyp sot në Berlin të Kryeministrit Edi Rama përkrah Kancelares, Angela Merkel. Sipas Blushit, dukej qartë se mesazhi që ka marrë Rama në Berlin nuk ishte pozitiv për të. Ai e cilëson Kryeministrin si një nxënës të dobët para Merkelit.
Statusi i plotë i Blushit në facebook
Nuk kam parë dhe ndoshta nuk do shoh më, një Kryeministër më te mërzitur në Ditën e Pavarësisë së vendit të vet. Me sa duket pesha e kriminalizimit të politikës, kanabizimit masiv, mungesës së reformave të qëndrueshme dhe dyshimi tek zgjedhjet e ardhshme po e vështirësojnë ëndrrën europiane të Shqipërisë.
Kancelarja e Gjermanisë ishte e qartë, Kryeministri i Shqiperisë nxinte. Dukej si një nxënës i paaftë që ska bërë detyrat dhe është kapur me kopje në provim.
Ka ardhur koha të mbajë përgjegjësi që për tre vjet kërkoi të na cojë në Europë jo me punë, por me barcaleta bajate! Sa e hidhur kur ndodh në 28 nëntor! Kemi 500 vjet që jemi nisur dhe s’po arrijmë dot!
