TIRANE- Ben Blushi nga foltorja e parlamenti ka deklaruar se ky është parlamenti më i dobët që kemi pasur ndonjëherë. Duke folur për reformën në drejtësi ai tha se “ua kemi borxh shqiptarëve”. Këtu nuk ka as popull as drejtësi ndaj ne (deputetët) jemi këtu”, tha deputeti socialist.
Pjese nga fjala e Blushit
“ Ne u kemi një borxh të madh zgjedhësve, reformën në drejtësi. Vetëm drejtësia mund ta përmirësojë politikën. Ne duhet të ndëshkohemi për aktet tona. Por në fund të fundit kush shkon në burg? Shkon në burg si shofer nëse shkel semaforin, shkon në burg si fukara nëse ndërton çatinë e shtëpisë së shembur (pa leje). Shkon në burg si konsumator për kupon tatimor, shkon në burg edhe si gazetar me këtë nenin e ri. Po si politikan ai shkon në burg? Deri tani s’ka ndodhur….
