Për deputetin socialist Ben Blushi fitorja e kandidatit të majtë dhe “Rilindjes” në Dibër është e pamerituar.
Dibra, sipas Blushit është shembulli i pajtimit me të keqjen, pasi populli nuk do të votojë kundër qeverisë sepse do ta ketë mirë dhe kjo për Blushin, është bjerrje e qeverisë.
“Dibra nuk mund të votonte për të arritur lirinë e vet duke e ditur se vetëm qeveritë mund ta zbusin mjerimin. Shqiptarët kanë kohë që mbrohen nga qeveritë e tyre duke i llastuar sepse kjo i jep pak më pak kokëcarje.”-tha Blushi.
FJALA E BLUSHIT:
PD meriton fundin si një grup politik i pamotivuar dhe i pavotueshëm, shikojeni dhe sot nuk ka asnjë njeri në parlament.
Ata kanë humbur dhe isha i bindur se do humbnin.
Unë i kam shijuar humbjet e PD-së sepse ajo meriton te humbi si një grup i pamotivuar. Ajo që më habit në Dibër nuk është humbja e PD por e fitorja e pamerituar e rilindjes. Nuk kam parë asnjë nga ata që mbrojnë fitoren se dibra votoi reformat, apo takimin e Ramës me Mhogherinit apo punë e qeverisë.
Cfarë votoi Dibra?
Sipas PD aty janë blerë votat unë mendoj se kjo është e pamundur. Si ka mundësi që me kaq diferencë rilindja mundi njëkohësisht 3 kundërshtar PD dhe LSI-në që nuk ishte në fushatë dhe ato njerëz që ankohen pa fund? Ca magjie qe kjo qe nga 400 i bëri 4000 vota?
Njësoj sikur Milano që voton të djathtën të ngrihej një ditë të votonte të majtën!…
Të besosh se Dibra voton të majtën është njësoj sikur të besosh se grekët do të votonin Angela Merkel!…
Dibranët kanë votuar për qeverinë. Dibra tregoi se populli nuk do të votojë kundër qeverisë sepse do ta ketë mirë dhe kjo është bjerrje e qeverisë. Dibra sot është krahina më e varfër e Europës. Varfëria nuk i çoi dibranët në inat, por në frikë. Dhe ata besojnë se duke votuar kundër qeverisë mund të humbin edhe atë pak që kanë.
Varfëria e mban sot në këmbë regjimin e Erdoganit.
Dibra nuk mund të votonte për të arritur lirinë e vet duke e ditur se vetëm qeveritë mund ta zbusin mjerimin. Shqiptarët kanë kohë që mbrohen nga qeveritë e tyre duke i llastuar sepse kjo i jep pak më pak kokëcarje.
Dibra, si shembulli i pajtimit me të keqjen nga frika se ka ndodhur edhe në vende të tjera. Dibra ndodh çdo ditë në Tiranë.
Sa maturantë janë djegur për shkak të paafësisë së Rilindjes për të refomruar arsimin?
Sa qyetarë të Tiranës janë neveritur kur panë sesi iu shemb simboli, stadium. Kush foli askush?
Mijëra turq dolën në shesh për të mbrojtur taksimin dhe dikush vdiq. Kush e bën këtë në Shqipëri? Askush!…
Në paralment parashikohet të votohet një ligj për plehrat dhe keni për ta parë që do të votohet. Do ta shikoni që ditën e parë do dalin disa në protesë, ditën e dytë më pak e dita e tretë asnjë.
Gjysma e opozitës nuk është në opozitë.
Deliri do të rritet. Nga PD besimi se mund të vijnë në pushtet do të pakësohet. Kur përdhunohesh ke një alibi. Siç kanë ardhur punët gjërat do të votojnë sipas manualit për mos e patur keq me qeverinë.
Përdhunimi është më praktik se tradhtia. Tre yje shkëlqejnë sot në Dibër. Deliri, Saliri dhe Iliri, që do të vazhdojnë të shkëlqejnë ende për sa kohë shqiptarët janë në këtë galaksi.
Dibra është manual zgjedhor, i shpikur nga Saliri, i transportuar nga Iliri dhe i kopjuar nga Deliri.
