TIRANE- Deputeti socialist, Ben Blushi e ka marrë fjalë në vazhdën e debateve për Byronë e Hetimit në sallën e parlamentit.
Fjala e Blushit në Parlament
Blushi: Do të shpresoja sot që Qeveria të shpjegonte sot cfarë është Byroja Kombëtare e Hetimit dhe si e avancon luftën kundër korrupsionit sepse bëhet fjalë për një strukturë që do ketë më shumë pushtet se prokuroria. Këta kur duan e kalojnë menjëherë ligjin, kur sduan e zvarrisin me vite. Kështu ndodhi edhe me ligjin e dekriminalizimit u miratua në limitet e kohës. Edhe pse u miratrua asgjë s’ka ndodhur askush nuk e la Parlamentin, asnjë mandat nuk u ndërpre. Kush është perceptimi i njerëzve: Që ne bëjmë ligje, por nuk i zbatojmë! Ne bëjmë pakte si të mos ndëshkohemi reciprokisht. Ligji i dekriminalizimit mbase zbatohet në parlamentin e ardhshëm.
Pra ligj pati por dekriminalzim jo. Reformë në drejtësi do ketë por drejtësi s’do ketë. Hetim ka pasur, por për ska pasur dhe nuk do të ketë. Shqiptarët janë të bindur se ne po shkojmë drejt një konsensusi që të mos ndëshkojmë veten.
Shiko kush është debati që bëhët këtu: Kush e zgjedh drejtorin e Byrosë? Nga kush do varet nga Ministri i rendit apo Prokurori? Pra ne vendosim se kush do na hetojë ne. Pra po bëjmë pakt për të mos u ndëshkuar. Byroja s’duhet të jetë një vizë për të hyrë në ambasadën e SHBA, dhe pengesë për të hetuar korrupsionin në Shqipëri.
Qeveria nuk ndalon dot njerëz me pushtet të grabisin prona publike me pistoletë, nuk ndalon dot që deficiti për buxhetin e shtetit të jetë 200 a 300 milion euro, s’ndalon dot një deptuet me kontrabandistë në makinë, s’ndalon dot që në fletoren zyrtare të mos botohen 220 akte ligjore e nënligjore me pretendimin se ska kohë apo letër në disa raste, kjo ndodh se s’ka drejtësi.
Kryeministri pretendon se hap vende pune, por më habit ajo që pashë dy ditët e fundit, qeveria e kryeministri i bërtiste shqiptarëve s’punojnë se ka më shumë vende pune, e u thoshte se harxhojnë kohën në bizhoz e kafe, ka shumë qeveri në botë që qahen se nuk hapin dot vende pune. Por një qeveri që thotë se ka më shumë vende pune se qytetarë, më habiti shumë.
