Chiara Ferragni është momentalisht një prej blogereve me më shumë ndikim në botë dhe numëron shumë fansa në rrjetet sociale.
Më 1 shtator ajo dhe këngëtari italian Fedez u betuan për dashuri të përjetshme në një ceremoni intime me miqtë. Dasma përrallore u zhvillua në zemër të pallatit Nicolaci në Noto të Siçilisë. Në ndërtesën e shekullit të 19 të ftuar ishin 160 persona.
Që pas dasmës madhështore Chiara Ferragni është kthyer në qendër të mediave. Çdo lëvizje e saj tanimë kthehet në lajm. Së fundmi ajo është zhvendosur për pak ditë në Los Angeles dhe personi i parë që ka takuar është Dua Lipa me të cilën ka kaluar një mbrëmje shumë të këndshme ku ishin të shoqëruar dhe nga familjarët e këngëtares shqiptare.
Dua ka ndarë me ndjekësit e saj një foto ku shfaqet krah Chiarës dhe kjo e fundit i thotë “Të dua shumë”.
