Një bloger i njohur rus i rrjetit social YouTube është arrestuar për transmetim çnjerëzor live, gjatë të cilit e dashura e tij shtatzënë vdiq prej abuzimeve të partnerit.
I nxitur nga ‘audienca’ e tij online, Stas Reeflay besohet se ka detyruar Valentina Grigoryeva të qëndrojë në ballkonin e apartamentit në temperatura nën zero vetëm me të brendshme.
30 vjeçari Reeflay, ishte paguar nga një shikues 1,000 dollarë për të abuzuar me të dashurën e tij gjatë transmetimit direkt.
28 vjeçarja Valentina, e cila ishte shtatzënë vdiq nga i ftohti në shtëpinë e tyre të marrë me qera në fshatin Ivanovka pranë Moskës.
Vdekja e saj ka nxitur reagimet në Rusi për ndalimin e shfaqjeve perverse online ose të njohura ndryshe si “dhunë reality TV”, e cila është deri tani e pacensuruar në YouTube dhe mund të shihet edhe nga fëmijët. Blogeri Stanislav Reshetnikov vazhdonte të transmetonte live në YouTube edhe kur e kuptoi se Valentina, e dashura e tij ishte e vdekur.
Për ngjarjen e rëndë aktivistja feministe Liza Lazerson fajësoi rrjetin YouTube për mungesën e kontrollit të të tilla pamjeve, ndërkohë që censuran imazhe të gjokseve të zhveshura të femrave./Opinion.al
