Dy persona janë arrestuar në zonën e ish-Bllokut pasi kanë bllokuar rrugën me automjetin e tyre dhe kanë kundërshtuar dhe fyer efektivët e Policisë.
Sipas burimeve nga policia në pranga kanë rënë K.Rrapi, 28 vjeç dhe R. Petritaj 30 vjeç, banues në Tiranë.
Rreth orës 02:20 të mëngjesit të sotëm ata kanë bërë veprime të pakontrolluara me automjetin e tyre. Në momentin që Patrulla e Komisariatit numër 2 i ka kërkuar që ata të ndalen dhe ti shoqërojë ata kanë kundërshtuar urdhrin e tyre duke fyer policët.
Është dashur ndërhyrja e forcave “Shqiponja” që dy personat të vihen në pranga
Materialet i kalojnë për veprime të mëtejshme Prokurorisë së Rrethit Gjyqësor Tirane, për veprën penale “Kundërshtim i punonjësit të policisë së rendit publik, kryer në bashkëpunim”. /Opinion.al
