Banorë të zonës së Unazës së Re në kryeqytet të dielën në mëngjes kanë dalë sërish në protestë për të kundërshtuar prishjen e banesave të tyre.
Mësohet se aksi rrugor nga Dogana deri tek Pallati me Shigjeta është i bllokuar nga banorët e zonës, të cilët kanë dalë të kundërshtojnë me forcë vendimin e qeverisë për zgjerimin e rrugës dhe shembjen e një sërë objektesh.
Banorët treguan se përpara 3 ditësh u kanë shkuar punonjës të ARRSH (Autoriteti Rrugor) dhe iu kanë thënë se brenda 10 ditësh duhet të lironi banesat pasi do të nisen shembjet.
Të revoltuar ata shprehen se projekti ka ndryshuar duke bërë që përpos autostradës nga Pallati me Shigjeta tek Dogana, të ndërtohet edhe një rrugë dytësore paralele. Ata thanë se janë 270 objekte që janë njoftuar se do të shemben.
Sjellim në kujtesë së bllokimi i rrugës nga banorët e ‘Unazës së Re’, ka futur në kaos trafikun në kryeqytet, pasi të gjitha rrugët e daljes nga Tirana janë të bllokuara.
