Kreu i Parlamentit Gramoz Ruçi ka përjashtuar nga seanca parlamentare deputetin e opozitës, Korab Lita.
Ky i fundit kërkoi të merrte fjalën në foltore por Ruçi tha ai nuk kishte të drejtën e replikës dhe se fjalën e kishte Taulant Balla.
Lita bllokoi foltoren. Ai kërkoi fjalën pas replikës që ministrja Spiropali bëri me deputetin Myslym Murrizi.
Kryeparlamentari Ruçi paralajmëroi deputetin Lita se kishte më shumë se 1 minutë që kishte bllokuar foltoren.
“Ulu në vend se të sqaroj unë për emrin. Zoti Murrizi foli në emër të grupit, nëse ke problem diskuto në grup jo në parlament. Ulu. Nuk ulesh, po të tërheq vëmendjen se nëse nuk ulesh do të marr masa do të përjashtohesh. Më vjen keq se je burrë i mençur. Atëherë, nëse vijon do të përjashtoj nga seanca. Pasi të kam paralajmëruar, po e mban të bllokuar foltoren do të përjashtoj.”, tha Ruçi.
Pas një minute ai tha se Korab Lita përjashtohet nga senanca. Për këtë arsye ai ndërpreu për disa minuta seancë. /Opinioin.al
