Rruga Bënçë – Lekdush, ka krijuar sërish probleme si shkak i inerteve nga rreshjet e një nate më parë, duke bllokuar në disa pika të aksit totalisht rrugëkalimin. Mëngjesin e sotëm emergjencat civile të bashkisë kanë ndërhyrë me mjete të rënda dhe puntorë përgjatë ditës me qëllim sigurimin e kalimit të automjeteve dhe normalizimin e situatës.
Angazhimi i ekpit vijon të veprojë me ritme të shpejta, megjithëse rreziku për bllokime të reja mbetet ende prezent.
Ky aks ndonëse është në përgjegjësinë e kompanisë që ka zhvilluar punimet e rikonstruksionit për mirëmbajtje në anjë rast nuk është treguar përgjegjshmëri prej tyre duke i lënë barrën e përgjegjësisë bashkisë tepelenë dhe sektorit të emergjencës.
Volumet e inerteve të pastruara i kalojnë sasinë prej 1000³, ndërkohë që rrisku për të patur sërish bllokime nga shkarkimi i skarpateve malore mbetet evident.
Njoftojmë qytetarët, në vemëndje të veçantë banorët e njësisë Kurvelesh, të minimizojnë lëvizjet me qëllim shmangien e rreziqeve që kanosen nga rrëshkitjet. Në këto kushte sygjerohet për nevoja të përdoret rruga Nivicë – Salari, aks i cili paraqet siguri më të lartë në qarkullimin e automjeteve.
