Rreth 400 kilogramë lëndë narkotike kanabis dhe 100 gr hashash, janë kapur gjatë kontrollit në një mjet lundrues ditën e sotme nga Policia e Shtetit.
Nga njoftimi i policisë bëhet me dije se në llogari të kësaj ngarkese është vendosur në pranga një 30-vjeçar nga Vlora, i identifikuar me iniciale E. I.
Operacioni është zhvilluar nga Ministria e Bredshme dhe Frontex.
Njoftimi i plotë i Policisë:
Në kuadër të Marrëveshjes ndërmjet Ministrisë së Brendshme dhe Frontex, për kontrollin e kufijëve detar, gjatë një operacioni antidrogë të përbashkët mes Frontex-it, GDF italiane dhe Policisë shqiptare, për parandalimin dhe goditjen e trafiqeve të paligjshme, është bërë e mundur goditja e një tentative për trafik ndërkombëtar të lëndëve narkotike.
Gjatë operacionit të përbashkët u bllokua mjeti lundrues dhe u vu në pranga 30-vjeçari nga Vlora, shtetasi E. I.
Gjatë kontrollit në brendësi të mjetit lundrues u gjetën dhe u sekuestruan 400 kilogramë lëndë narkotike cannabis sativa dhe 100 gr hashash
Policia e Shtetit është e vendosur për të punuar bashkërisht me partnerët, me qëllim parandalimin dhe goditjen e krimit të organizuar dhe trafiqeve të paligjshme
