Policia Bregdetare dhe ajo e Durrësit të shtunën ka sekuestruar tre mjete lundruese dhe një karel për transportin e tyre.
Burimet nga policia thanë se mjetet janë sekuestruar në lagjen Nr.15 në Spitallë, afër bregdetit. Lidhur me këtë ngjarje janë shoqëruar në polici 8 persona.
Autoritetet shqiptare në bashkëpunim me ato italiane vijojnë hetimet për sqarimin e situatës.
Ka nisur një kontroll i imtësishëm për të evidentuar dhe bllokuar ndonjë mjet lundrues që mund të jetë transportuar me karel deri në breg të detit, por deri më tani nga nuk është konstatuar asnjë mjet lundrues.
