Bllokohen 2.5 ton peshk dhe karkaleca, AKU: Nuk ruhej në kushtet e duhura

Autoriteti Kombëtar i Ushqimit ka bllokuar në Tiranë plot 2.5 ton peshk e karkaleca që do të shkojnë për asgjësim. Në një njoftim për mediat AKU thotë se “gjatë një kontrolli në subjektin “ALB ORCA”, në Tiranë, me aktivitet “Magazinë Frigoriferike” u konstatua dhe u bllokua sasia prej 2.5 ton peshk dhe karkaleca të ngrirë të degraduar nga kushtet e ruajtjes (ngrirje – shkrirje e produktit si dhe kushtet higjieno-sanitare jo konforme). Gjithashtu subjekti nuk dispononte dokumentacionin e duhur për gjurmueshmërinë e produktit”.
Përpos bllokimit të mallit, kompania është gjobitur me 500.000 lekë. /Opinion.al