Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Bllokimi i rrugës Milot-Lezhë, prokuroria nis hetimet

2021/02/14 at 3:28 PM
në Aktualitet, Te Fundit
Kohë leximi: 4 min
A A
Bllokimi i rrugës Milot-Lezhë, prokuroria nis hetimet

Dhjetra qytetarë e kaluan natën në rrugën Milot-Lezhë, e cila u bllokua për orë të tëra pas reshjeve të dëborës dhe mungesës së borëpastrueseve. Situata u përkeqësua rreth orës 17:00 të së shtunës, duke sjell bllokim total të këtij segmenti rrugor, ndërsa dhjetra qytetarë që ishin në rrugë mbetën të bllokuar deri pas mesnate, kur u mundësua kalimi në një rrugë dytësore.


“Që prej ores 17:00 jam bllokuar tek ura e Milotit bashkë me 40 pasagjer. Kemi 5 orë këtu dhe asnjë masë nuk është marrë. Kam dhe një fëmijë të sëmure me temperatur në autobuz këmi telefonuar spitalin, por ambulanca ka ngelur e bllokuar”, tha drejtuesi i një autobuzi në një bisedë telefonike.

Policia e Lezhës fajësoi kompaninë “Geci” që ka me koncesion mirëmbajtjen e rrugës, ndërsa njoftoi nisjen e procedimit penal ndaj saj. Prokurori i Lezhës Erjon Shehaj i tha BIRN se kishin filluar hetimet dhe se po merreshin dokumentacionet e kontratës së mirëmbajtjes. Kompania “Geci”, nuk qe e arritshme, por sipas prokurorit ka pretenduar se në kontratë nuk kishte parashikime për mirëmbajtje nga dëbora.

Ndërkohë pas thirrjeve të shumta për ndihmë, forca të ushtrisë dhe mjete të saj ndërhynë për zhbllokimin e rrugës edhe pse dhjetra mjete mbetën të bllokuara edhe gjatë ditës së dielë.

I bllokuar në rrugë ndërsa udhëtonte për në Shkodër ishte edhe kreu i Partisë Demokratike Lulzim Basha. Në një bisedë telefonike me Neës 24, Basha fajësoi qeverinë se edhe pse kishte pasur informacion për motin dhe reshjet e pritshme të dëborës, nuk kishte marrë masa.

Ministrja e Infrastrukturës Belinda Balluku vizitoi aksin rrugorë në mesnatën e të shtunës dhe pretendoi se ishin marrë masat për zhbllokimin e saj, ndërsa qytetarët e bllokuar po ndihmoheshin nga policia dhe Emergjencat Civile.

Por drejtuesit e makinave të bllokuar në rrugë thanë se nuk patën asnjë ndihmë për mbi pesë orë. “Po kalojmë një situatë mjaft të vështirë në mes të ftohtit, pasi temperaraturat janë disa gradë nën zero. Kjo është e pafalashme për shtetin shqiptar, duke qenë se reshjet e dëbores ishin paralajmëruar dhe këtu madje është dhe reliev fushor dhe rruga mund të ishte mbajtur lehtësisht e hapur”, tha drejtuesi i autobuzit.

Shkak i bllokimit të këtij segmenti rrugor sipas policisë u bë mungesa e ndërhyrjes nga firma kontraktore që mirëmban këtë segment rrugor. Në rrugë nuk është parë asnjë mjet apo punëtor për të pastruar dëborën dhe hedhur kripë, pavarësisht se ishte paralajmeruar për reshje dëbore në të gjithë rajonin e Lezhës.

Në oret e drekës të së shtunës Policia e Lezhës njoftoi se nga Sektori i Qarkullimit Rrugor dhe Specialistët e Krimit Ekonomik e Financiar të Drejtorinë Vendore të Policisë Lezhë, ka nisur procedimi penal ndaj firmës kontraktuese për mirëmbajtjen e kësaj rruge, për vepren penale “Shpërdorimi i detyrës”, pasi nuk kanë marrë asnjë masë në lidhje me mirëmbajtjen e këtij aksi.

Ndërkohë sipas prokurorit Erjon Shehaj, që po kryen hetimet pas referimit nga policia, drejtues të kompanisë “Geci”, e cila ka në kontratë mirëmbajtjen e rrugës, kanë pretenduar se ata nuk kishte parashikime për mirëmbajtje dimërore, pasi rruga ishte fushore dhe nuk ka pasur parashikim për mot të kësaj natyre. “Ata pretendojnë që mirëmbajtja në dimër nuk është parashikuar në kontratë, por kjo do shikohet kur të merren të gjithë dokumentet”, tha Shehaj.

“Në superstradën Lezhë-Milot u krijua një problematikë mjaft i madhe, pasi mungesa e ndërhyrjes nga kontraktori solli bllokim të lëvizjes, e për pasojë dhjetra qytetar ngelën të bllokuar për shumë orë”, tha Ndrek Mhillaj, Shef i Emergjance Civile në Prefekturën e Lezhës.

Mhillaj tha se kishin pasur një numër të madh telefonatash dhe kërkesash për ndihmë. “Përballë situatë kërkuam mbështetjen e ushtrisë. Këta të fundit kanë ardhur pak minuta para mesnatë dhe kanë shpërndarë karburant dhe batanije për udhëtarët që ngelën të bllokuar”, tha ai, ndërsa shtoi se ushtria vijoi të ishte në rrugë edhe gjatë ditës së dielë.

Sipas Mhillajt rreth orës 2:00 të mëngjesit është bërë i munduar zhbllokimi i automjeteve dhe është devijuar lëvizja për nga rruga e vjetër Lezhë-Milot.

Reshjet e dëborës janë ndërprerë që prej mesnatës të së shtunës në Qarkun e Lezhës, por situata në rrugë vijon të mbetet problematike si shkak i ngricave. Superstrada Lezhë-Milot vijon të jetë e bllokuar dhe policia ka devijuar lëvizjen për nga rruga e vjetër, ndërsa akset e tjera kombëtare të këtij qarku janë të kaluashme, por këshillohet të bëhet kujdes nga përdoruesit e rrugës për shkak të ngricave.

Po ashtu si pasojë e motit me stuhi dëbore kanë ngelur pa energji elektrike disa fshatra si shkak të dëmtimeve në rrjet, ndërsa dhe rrugët në zonat rurale në Mirditë janë të bllokuara, pasi trashesia e dëbores ka arritur në mbi 20 centimetra./BIRN

Etiketa: bllokimborehetimlezhe miloteprokuroirruge


Ju sugjerojmë

Zgjedhjet e nëntorit, kush e merr mandiatin e deputetit të Manastirliut dhe Mersinit
Politikë

Zgjedhjet e nëntorit, kush e merr mandiatin e deputetit të Manastirliut dhe Mersinit

7 Tetor, 2025 11:18 pm
Ermal Hasimja tërhiqet nga kandidimi për Tiranën: Mbështes Florian Binajn
-U tha në Opinion

Ermal Hasimja tërhiqet nga kandidimi për Tiranën: Mbështes Florian Binajn

7 Tetor, 2025 10:27 pm
Shehaj: PD na preu në besë, por ne do mbështesim Florian Binajn
-U tha në Opinion

Shehaj: PD na preu në besë, por ne do mbështesim Florian Binajn

7 Tetor, 2025 10:23 pm
Trump thotë se ka “gjasa reale” për një marrëveshje paqeje në Gaza
Bota

Trump thotë se ka “gjasa reale” për një marrëveshje paqeje në Gaza

7 Tetor, 2025 10:02 pm
Sylvinho fton për herë të parë mesfushorin që po dhuron spektakël me 15 gola
Sport

Sylvinho fton për herë të parë mesfushorin që po dhuron spektakël me 15 gola

7 Tetor, 2025 8:32 pm
9 nëntori/ Opozita i “bllokoi” në KQZ, PS ankimon në Kolegjin Zgjedhor aktet
Kryesore

9 nëntori/ Opozita i “bllokoi” në KQZ, PS ankimon në Kolegjin Zgjedhor aktet

7 Tetor, 2025 8:32 pm
Ndeshja me Serbinë, kuqezinjtë nisin përgatitjet
Sport

Ndeshja me Serbinë, kuqezinjtë nisin përgatitjet

7 Tetor, 2025 7:56 pm
Shkatërrimi në Gaza ka qenë sistematik, 82% e territorit është bërë zonë luftimi
Bota

Shkatërrimi në Gaza ka qenë sistematik, 82% e territorit është bërë zonë luftimi

7 Tetor, 2025 7:22 pm
PS dërgon kërkesën në KQZ për t’u regjistruar në zgjedhjet e 11 majit
Kryesore

Zgjedhjet e 9 nëntorit, këta janë kandidatët e PS për 6 bashkitë

7 Tetor, 2025 6:47 pm
PD kundër zgjedhjeve në Tiranë, Celibashi: Nuk gjykoj dot Begajn, zbatoj dekretin
Politikë

PD kundër zgjedhjeve në Tiranë, Celibashi: Nuk gjykoj dot Begajn, zbatoj dekretin

7 Tetor, 2025 6:23 pm
Para
Misioni i OBSH në Wuhan, virusi mund të ketë shpërthyer më herët

Misioni i OBSH në Wuhan, virusi mund të ketë shpërthyer më herët

Bllokimi i aksit Milot-Lezhë, Balluku: Shkaku nuk ishte dëbora

Bllokimi i aksit Milot-Lezhë, Balluku: Shkaku nuk ishte dëbora

Moti i keq/ Bllokohet segmenti rrugor në Qafë –Thanë, rëndohet trafiku

Moti i keq/ Bllokohet segmenti rrugor në Qafë –Thanë, rëndohet trafiku
















TE FUNDIT

Zgjedhjet e nëntorit, kush e merr mandiatin e deputetit të Manastirliut dhe Mersinit

Zgjedhjet e nëntorit, kush e merr mandiatin e deputetit të Manastirliut dhe Mersinit
7 Tetor, 2025

Brunilda Mersini është kandidatja e Partisë Socialiste për Bashkinë e Vlorës në zgjedhjet e pjesshme të 9 nëntorit. Brunilda Mersini, drejtoresha...

Lexo më shumë

Ermal Hasimja tërhiqet nga kandidimi për Tiranën: Mbështes Florian Binajn

Ermal Hasimja tërhiqet nga kandidimi për Tiranën: Mbështes Florian Binajn
7 Tetor, 2025

Ermal Hasimja është tërhequr nga kandidatura e tij për bashkinë e Tiranës. Hasimaj tha në emisionin “Opinion” tashmë që Binaj...

Lexo më shumë

Shehaj: PD na preu në besë, por ne do mbështesim Florian Binajn

Shehaj: PD na preu në besë, por ne do mbështesim Florian Binajn
7 Tetor, 2025

Partia Mundësia, Agron Shehaj ka deklaruar se në do të mbështesë Florjan Binajn si kandidat i opozitës për zgjedhjet e...

Lexo më shumë

Trump thotë se ka “gjasa reale” për një marrëveshje paqeje në Gaza

Trump thotë se ka “gjasa reale” për një marrëveshje paqeje në Gaza
7 Tetor, 2025

Presidenti amerikan, Donald Trump, tha se ka “gjasa reale” që të arrihet një marrëveshje e paqes në Gazë, teksa negociatorët...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com