Kryeministri Edi Rama në një takim me pensionistët sot ka deklaruar se mund të përballemi me mungesa të naftës dhe energjisë.
Po ashtu ai ka thënë se një numër kompanish shqiptare grurin e marrin nga Serbia, por kjo e fundit ka mbyllur eksportet. Kreu i qeverisë u shpreh se po përpiqet ta zgjidhë këtë çështje përmes “Ballkanit të Hapur”.
Rama tha se është koha që Serbia të tregojë që kjo nismë e përbashkët është serioze edhe për ata.
“Po kur të mungojë fare kur të bjerë oferta dhe mos ketë energji. Po kur të mungojë nafta? Sot që flasim furnizimi me naftë është problemi kryesor. Kufijtë po mbyllen nga të gjithë, si në kohën e pandemisë. Ne kemi kompanitë tona të grurit dhe kanë 20 mijë ton të kontraktuara në Serbi dhe ne duam ta hapim këtë rrugë me diplomaci. Me Ballkanin e Hapur. Pra, nëse vlen diçka kjo nismë, ia vlen tani që na duhet. Ta tregojnë edhe ata, ta tregojë Serbia që janë po kaq seriozë për Ballkanin e Hapur, le ta hapin. Se kemi edhe këta që thonë se ja ku e keni energjinë pse e merrni më shtrënjtë, por nuk e kuptojnë këta që ne e shesim kur ka me tepricë dhe e shesim lire, dhe e blejmë kur nuk kemi”, tha Rama./Opinion.al
