Policia Rrugore e Tiranës njoftoi se gjatë 24 orëve të fundit janë pezulluar 35 leje drejtimi për shpejtës mbi normat e lejuara, drejtim mjeti nën efektin e alkoolit dhe për shkelje të ndryshme.
Gjatë kontrolleve me radar, janë konstatuar shpejtësi deri në 183 km/h në kulmin e trafikut në rrugën interurbane Durrës-Tiranë, në vendin e quajtur mbikalimi i Gërdecit.
Policia njofton gjithashtu se janë proceduar penalisht 9 drejtues motomjetesh, për drejtim mjeti në mënyrë të parregullt si dhe janë vendosur 88 gjoba për përdorim të celularit gjatë drejtimit të mjetit, 69 për mosvendosje të rripit të sigurimit, 43 për parakalime ë gabuara dhe 18 për mosvendosje të kaskës mbrojtëse./Opinion.al
