Sekretari amerikan i Shtetit, Anthony Blinken ka reaguar pas vendosjes së sanksioneve ekonomike ndaj Ministrisë iraniane të Inteligjencës dhe Sigurisë si dhe ministrit Esmail Khatib nga Departamenti Amerikan i Thesarit, pasi u akuzuan për sulmin kibernetik të 15 korrikut ndaj Shqipërisë.
Përmes një postimi në rrjetin social “Twitter”, Blinken shkruan se nuk do të tolerohen sulme kibernetike që synojnë SHBA-në apo interesat dhe shërbimet e aleatëve.
“Ne po caktojmë Ministrinë e Inteligjencës dhe Sigurisë së Iranit dhe ministrin e tij për përfshirje në aktivitete të aktivizuara kibernetike kundër SHBA-së dhe aleatëve tanë. Ne nuk do të tolerojmë sulme kibernetike që synojnë SHBA-në ose interesat, infrastrukturën ose shërbimet e aleatëve tanë”, shkruan Blinken në Twitter./Opinion.al
We are designating Iran’s Ministry of Intelligence and Security and its Minister for engaging in cyber-enabled activities against the U.S. and our allies. We won’t tolerate cyberattacks targeting the U.S. or our allies’ interests, infrastructure, or services.
— Secretary Antony Blinken (@SecBlinken) September 9, 2022
