Sekretari amerikan i Shtetit, Antony Blinken, ka biseduar me kryeministrin e Kosovës, Albin Kurti, dhe Presidentin e Serbisë Aleksandër Vuçiç për të nxitur uljen e përshkallëzimit të tensioneve në veri të Kosovës.
Përmes një postimi në rrjetin social Twitter, sekretari amerikan ka zbardhur çështjet e diskutuara në telefonatat me Kurtin dhe Vuçiç.
Në telefonatën e tij me kryeministrin Kurti, sekretari Blinken përsëriti thirrjen që Kosova dhe Serbia duhet të respektojnë planin trepikësh të BE-së.
Today I spoke with Kosovan Prime Minister @albinkurti to urge de-escalation in Kosovo’s north and an immediate return to the EU-facilitated Dialogue. The EU’s three-point plan is the way forward.
— Secretary Antony Blinken (@SecBlinken) June 26, 2023
Ndërkohë Blinken ka mirëpritur lajmin për lirimin e tre policëve të Kosovës. Në telefonatën e tij me Presidentin Vuçiç, ai i ka bërë thirrje Serbisë për të ulur menjëherë tensionet me Kosovën.
I spoke with Serbian President Vucic @predsednikrs today to underscore the importance of immediately de-escalating tensions. We welcome today’s release of the Kosovo police officers and continue to strongly support the EU’s three-point plan as the best way forward.
— Secretary Antony Blinken (@SecBlinken) June 26, 2023
Blinken theksoi gjithashtu mbështetjen e vazhdueshme të SHBA-së për planin trepikësh të BE-së dhe i kërkoi Serbisë që të ndërmarrë menjëherë hapa për të zbatuar angazhimet e saj sipas marrëveshjes së normalizimit të marrëdhënieve./Opinion.al
