Sekretari Amerikan i Shtetit, Antony Blinken, ka dalë në një konferencë për shtyp krah për krah me kryeministrin izraelit, Benjamin Netanyahu.
Ai thotë se është mirënjohës që është kthyer në Izrael gjatë një momenti “tepër të vështirë” për të gjithë botën.
Më tej ai thekson:“Është e pamundur që unë të shikoj fotot e familjeve të vrarë… dhe të mos mendoj për fëmijët e mi.
“Fëmijët e therur, trupat e përdhosur, të rinjtë të djegur të gjallë, gratë të dhunuara, prindërit e ekzekutuar në sy të fëmijëve, fëmijët në sy të prindërve.
“Si mund ta kuptojmë këtë?” pyet ai.
Blinken vlerëson gjithashtu guximin e qytetarëve izraelitë.
“Mesazhi që unë i sjell Izraelit është ky – ju mund të jeni mjaftueshëm të fortë për të mbrojtur veten tuaj, por për sa kohë që Amerika ekziston, do të jetë gjithmonë aty për të ndihmuar Izraelin”.
Më tej Blinken tha se kushdo që dëshiron paqe dhe drejtësi duhet të dënojë sundimin e terrorit të Hamasit.
“Hamasi ka vetëm një axhendë – të shkatërrojë Izraelin dhe të vrasë hebrenjtë.”
Megjithatë, ai paralajmëron se duhen marrë masa paraprake për të shmangur dëmtimin e civilëve të çdo kombësie.
