Ditën e premte në stadiumin “Selman Stërmasi” në kryeqytet do të luhet derby i madh i vendit midis Tiranës dhe Partizanit.
Edhe ose duhen edhe pesë ditë nga ndeshja, Policia e Shtetit ka filluar të marrë masat e nevojshme për mbarëvajtjen e ndeshjes.
Deri më tani mësohet se derby do të jetë i blinduar nga forca të shumta sigurie, kjo edhe për shkak të episodeve të fundit që kanë shoqëruar dy tifozeritë më të mëdha në vend.
Por edhe për faktin që në dy sfidat e para të fituara nga Partizani ka pasur probleme me sigurinë private në stadium.
Për këtë arsye pritet që sot të ketë një takim midis Policisë së Tiranës, ekipit organizator të ndeshjes FK Tirana dhe klunit mik të Partizanit.
Mesa duket këtë herë klubet kanë vendosur ti binden kushteve të Policisë dhe të heqin dorë nga organizimi i ndeshjes.
Kjo sepse policia private e ka të pamundur të sigurojë një numër të lartë tifozësh.
Krahas kontrollit të tifozëve në stadium, policia do të kërkojë të vendosë edhe sistemin e kamerave në stadium, me qëllim për ta pasur plotësisht situatën në kontroll. Dl/ Opinion.al
