Siguria ushqimore është një prej problemeve të shumta që ka Shqipëria. Produktet të cilat konsumojmë janë shpesh herë të një cilësie e cila lë për tu dëshiruar, dhe me një situatë të tillë është përballur edhe moderatorja Rudina Magjistari.
Ajo ka postuar në instagram foton e një sanduiçi të blerë në një prej kafeneve të Tiranës, ndërsa zbuloi se buka ishte e gjitha me myk. Ajo nuk ja përmendi emrin biznesit në fjalë duke thënë vetëm që janë disa kafene zinxhir, por shqetësimin e saj e ndau me të gjithë.
Nga ana tjetër ndjekësit i kanë kërkuar të publikojë emrin e lokalit si edhe të bëj një denoncim.
“Ja çfare me ndodhi sot rreth ores 15.00 ne nje nga kafenete zinxhir te famshme te Tiranes e qe edhe ne paketim pretendon per ushqim te fresket! S’po e bej publik emrin e kompanise, sepse ata e dine cilet jane. Por nuk mund te mos i ndaja me ju keto pamje, sepse edhe tani qe e kujtoj me vone revoltohem nga fillimi. SKANDALOZE!!! Sepse ne kete grade qe ishte myku ne sanduiç sot, me ben te dyshoj qe nuk eshte çeshtje rastesie dhe thjesht me nje ndjese formale, une dyshoj se vertet i vret ndergjegja. Uroj qe ky postim ti ndergjegjesoje me mire.” – shkruan Rudina në postimin e saj.
