Ka kaluar një vit nga koha kur 16-vjeçarja Blerta Pepa humbi jetën gjatë një operacioni në gju.
Vdekja e vajzës bëri bujë një vit më parë. Familjarët e saj akuzuan spitalin privat dhe doktorët të cilët. Sipas tyre ata u treguan të papërgjegjshëm me jetën e një fëmije.
Blerta ka qenë pjesëmarrëse në “Gjeniun e Vogël 6” . Dashuria e madhe për muzikën, ka bërë që dy vëllezërit e saj, t’i kushtojnë një këngë motrës së tyre.
Kënga, e cila titullohet “Si ta pranoj”, ende nuk është publikuar. Por një pjesë e saj është bërë publike nga këngëtarja Aurela Gaçe në Instagram:
“Wow, dedikimi i dy vëllezërve për motrën, së shpejti në këngë”, shkruan Aurela, e cila e ka pjesë të stafit të saj vëllain e Blertës, Ermalin.
Familjarët e vajzës treguan për rastin në fjalë se vajzës së tyre i bënë anestezi e plotë, ndërkohë që duhej i pjesshme, duke qenë se ishte e vogël. Ndërhyrja në gju ishte planifikuar për në mëngjes, por mjekët e realizuan vonë në darkë pasi kirurgu, do të ikte në Greqi.
