Gjatë verës së fundit, për të, ka shpërthyer një ankand i vërtetë ndërkombëtar, por Gabriel Jesus ka zgjedhur Manchester City-in në fund. 19-vjeçari ka qëndruar te Palmeiras me formulën e huazimit dhe, në një intervistë të dhënë për “Gazzetta dello Sport”, ka shpjeguar pse ka zgjedhur Anglinë dhe pse ka refuzuar Inter-in dhe Juventus-in: “Ka qenë një vendim i komplikuar, por në fund ka mbizotëruar dëshira ime për të mësuar. Ka qenë vendimtare prania e një trajneri si Guardiola dhe fakti se Manchester City është një klub shumë i madh”.
“Inter dhe Juventus? Po unë jam tifoz i Milan-it… Por më shumë ka ndikuar Guardiola dhe bashkëbisedimi që kam pasur me të. Nuk e njoh personalisht, por më ka përcjellë siguri në lidhje me projektin”, ka thënë Jesus, i cili ka zbuluar edhe idhujt e tij: “Jam rritur me mitin e Buffon-it në portë dhe atë të Totti-t në mesfushë. e ndiqja në televizor dhe e zgjidha në lojërat elektronike. Pika ime e referimit? Ronaldo, jam shumë i lidhur me Fenomenin. Më pëlqen të shikoj videot e tij, ka fituar gjithçka falë talentit të jashtëzakonshëm”.
“Unë jam një lojtar që më pëlqen të lëviz shumë në sulm. Mendoj se te City do të luftoj për një rol si sulmues krahu. Është një pozicion që më pëlqen më shumë se ai i sulmuesit, por jam nga ata lojtarë që përshtatet shpejt edhe në pozicione të tjera”, ka thënë Jesus.
