Këngëtarja Bleona Qerreti publikoi dje me anë të një video procedurën e ngrirjes së vezëve. Ajo sqaroi edhe në video se dëshira e madhe për të pasur një fëmijë e shtyu të merrte këtë hap, pasi ende nuk e ka gjetur personin e duhur, dhe dëshiron që këtë gjë ta bëjë kur të jetë momenti ideal. Teksa koha kalon, ngjizja e një fëmije bëhet akoma më e vështirë për një femër, dhe kjo lloj procedure ia lehtëson bërjen e një fëmije në çfarëdolloj moshe.
Por shumë njerëz e kanë keqkuptuar këtë veprim, duke e gjykuar dhe duke e sharë nëpër komente. Bleona ka shpërthyer sot me të gjithë duke e sqaruar edhe njëherë këtë procedurë dhe duke e rithënë përsëri dëshirën që ka për një fëmijë:
Statusi i plotë
Ky është sqarimi im i fundit për të gjithë injorantët, që nuk kuptojnë, bëjnë sikur nuk kuptojnë, ose më keq akoma nuk duan të kuptojnë. Procesi i ngrirjes së vezëve, është mënyra më efikase për të mos humbur mundësinë e pasjes së një fëmije për të gjitha vajzat që nuk kanë gjetur akoma partnerin ideal dhe që tik-taku i orës biologjike u troket çdo ditë… Fatmirësisht pati mes jush që më kuptuan, mua, qëllimin tim, mesazhin që doja të përcillja dhe më mirë sesa unë ua kthyen ata përgjigjen. Komentet e tyre, ma bënë ta kaloj më lehtë këtë moment. Nuk kam ndërmend t’u sqaroj arsyet dhe të gjithë procesin mjekësor, por përpara se të me gjykoni dhe shfaqni injornacen tuaj haptazi me frustrime prej kafshësh nëpër komente, mundohem I te mendoni dhe për ndjesitë e tjetrit që gjendet në anën tjetër të ekranit… nuk ka asgje me te rendesishme per mua sesa krijimi I nje femije!!!! Eshtë gjëja që dua më shumë, por kurrsesi nuk mund të bëj pakt me jetën time që të lind një fëmijë me një partner që nuk e dua. Turp nuk eshte te ngrish vezet- turp eshte te besh femije me nje njeri qe nuk e do vetem e vetem qe te ngelesh shtatezane!!! Në këtë pikë ndryshojmë ne: ju e bëni, unë JO.
